Roeddem am eich hysbysu y byddwn yn gwneud gwaith i symud coeden ddydd Sadwrn 30 Tachwedd, gan ddechrau tua 8am. Disgwylir i'r gwaith gymryd tua dwyawr i'w gwblhau. Mae'r goeden dan sylw wedi'i lleoli y tu allan i ffin y safle ac mae'n risg i ddiogelwch y cyhoedd. Mae'r goeden dan sylw wedi cael ei chondemnio'n goeden sy'n farw, sydd ar fin marw ac sy'n beryglus, ac nid yw'n destun statws Gorchymyn Gwarchod Coed. 

Byddwn yn cadw trefn ar yr ardal i gerddwyr lle cynhelir y gwaith i sicrhau diogelwch pennaf unrhyw un a fydd yn mynd heibio. Bydd yr ardal yn cael ei chau a'r llwybr troed yn cael ei gulhau dros dro. Ymddiheurwn am unrhyw anghyfleustra y gallai hyn ei achosi, a diolch i chi am eich cydweithrediad. 
Os oes gennych unrhyw ymholiadau sy'n ymwneud yn uniongyrchol â'r hysbysiad uchod, cysylltwch â hlewis@sacyr.com

Roedd Acorn, Sacyr ac Ymddiriedolaeth GIG Felindre yn falch iawn o gefnogi'r Cyng. Marc Palmer a Tomas Champ i sicrhau y gallai goleuadau'r Nadolig dywynnu'n ddisglair yn yr Eglwys Newydd yn ystod tymor gwyliau arall. 

Dywedodd Tomas, ‘Ar ran Porth Clinigol Cymru, hoffem ddymuno Nadolig Llawen iawn i Acorn, Sacyr a Felindre, a diolch iddynt am eu cefnogaeth barhaus i alluogi ein goleuadau Nadolig cymunedol gwych.’

Dywedodd Elena Castro, y Cyfarwyddwr Adeiladu sy'n adeiladu Canolfan Ganser Newydd Felindre, ‘Rydym yn deall pa mor bwysig yw'r goleuadau hyn o ran rhoi llawenydd i'r gymuned yn ystod misoedd tywyll y gaeaf, ac rydym yn ddiolchgar ein bod wedi gallu cyfrannu at eu presenoldeb unwaith eto eleni. Ar ran tîm y prosiect a'n cadwyn gyflenwi, dymunwn dymor gwyliau llawen iawn sy'n llawn ysbryd y Nadolig i breswylwyr lleol yr Eglwys Newydd!’

Byddwn yn gweithio oriau estynedig ddydd Iau 29 Tachwedd wrth i'r gwaith sy'n gysylltiedig â thywallt concrit barhau er mwyn cyrraedd y safonau gofynnol. Rydym yn disgwyl y bydd y gwaith o dywallt concrit wedi'i gwblhau yn ystod oriau gwaith, er y bydd yn ofynnol i dri pheiriant llyfnhau weithio dros nos ar y safle hyd at 8:00am ddydd Gwener.

Cadwch olwg am ragor o wybodaeth am waith tywallt concrit sydd i ddod. Rydym yn gwerthfawrogi eich dealltwriaeth a'ch cefnogaeth yn ystod y cyfnod allweddol hwn o osod sylfeini. 

Diolch i chi am eich cydweithrediad a’ch amynedd wrth i ni ymdrechu i ddarparu'r profiad gorau posibl i chi. Edrychwn ymlaen at gwblhau’r prosiect hwn yn llwyddiannus a pharhau i roi’r wybodaeth ddiweddaraf i chi trwy gydol y broses. 

Hoffai tîm Sacyr fynegi ein diolch i Breedon Group am gynnal sesiwn foreol gynhyrchiol i drafod symudiadau'r cerbydau nwyddau trwm (HGV) ar gyfer y Concrit y mae ei angen i gefnogi'r gwaith o adeiladu Canolfan Ganser newydd Felindre. Bydd y concrit yn dod o dri gwaith concrit parod (RMX) lleol yn Nhongwynlais, Caerdydd a Chasnewydd, a bydd y cyflenwad agreg a sment yn dod o chwarel Ffynnon Taf, Glanfa Caerdydd, a Theale a Phort Talbot. Diolch yn arbennig i'r Cynghorydd Marc Palmer am fod yn bresennol i ddysgu rhagor a chefnogi ei etholwyr, yn ogystal â Cynghorydd Mike Jones - Pritchard, Cadeirydd Cyngor Tongwynlais, a Nadine Dunseath, clerc Cyngor Cymuned Tongwynlais. Roedd yn sesiwn addysgiadol ac yn gyfle gwych i ymgysylltu â’r gymuned. 

Hoffem eich hysbysu y bydd yr oriau gweithio'n cael eu hestyn o 6am tan 9pm fory, 22 Tachwedd, a hynny oherwydd y bydd cyfaint mawr o goncrit yn cael ei dywallt ar safle adeiladu Canolfan Ganser newydd Felindre. 

Ymddiheurwn am unrhyw anghyfleustra y gallai hyn ei achosi, a gwerthfawrogwn eich amynedd a'ch dealltwriaeth ar yr adeg hon. Byddwn yn darparu diweddariadau pellach mewn perthynas â thywallt cyfeintiau mawr o goncrit yn 2025 maes o law, yn ôl y gofyn. Os oes gennych unrhyw bryderon neu gwestiynau, mae croeso i chi gysylltu â ni. 

Diolch i chi am eich cydweithrediad.

Byddwn yn gweithio oriau estynedig ddydd Gwener 15 Tachwedd wrth i'r gwaith sy'n gysylltiedig â thywallt concrit barhau er mwyn cyrraedd y safonau gofynnol. Rydym yn disgwyl y bydd y gwaith o dywallt concrit wedi'i gwblhau yn ystod oriau gwaith, er y bydd yn ofynnol i dri pheiriant llyfnhau weithio dros nos ar y safle hyd at 8:00am ddydd Sadwrn.

Cadwch olwg am ragor o wybodaeth am waith tywallt concrit sydd i ddod. Rydym yn gwerthfawrogi eich dealltwriaeth a'ch cefnogaeth yn ystod y cyfnod allweddol hwn o osod sylfeini. 

Diolch i chi am eich cydweithrediad a’ch amynedd wrth i ni ymdrechu i ddarparu'r profiad gorau posibl i chi. Edrychwn ymlaen at gwblhau’r prosiect hwn yn llwyddiannus a pharhau i roi’r wybodaeth ddiweddaraf i chi trwy gydol y broses. 

Croesawyd disgyblion o Ysgol Idris Davies yn Nhredegar, Blaenau Gwent, gan Anna Davies, Cydlynydd Buddion Cymunedol Sacyr UK, a Sphere Solutions, sef partneriaid recriwtio ar gyfer Canolfan Ganser newydd Felindre, i bencadlys Sphere Solutions ym Mhentre-poeth, Caerdydd, i gyflwyno sesiwn TGAU ar adeiladu iddynt. 

Mewn partneriaeth â Gyrfa Cymru, cyflwynodd Anna a’r tîm o Sphere Solutions uned ar Gynllunio Adeiladu, sy’n rhan o gwrs TGAU y disgyblion. 

Trwy addysgu mewn ffordd ymarferol, daethant â'r wers yn fyw ac addysgu’r disgyblion am y modd y mae’r broses adeiladu’n gweithio, o friffiau prosiectau, goddefiannau, cyfrifo, deunyddiau a’r swyddi dan sylw.  
Yna defnyddiodd y disgyblion eu gwybodaeth newydd i fesur ystafell wag yn swyddfeydd Sphere, a dylunio ystafell ddosbarth adeiladu a elwir yn Hyb Sacyr Solutions, a fydd yn weithredol y flwyddyn nesaf.  

Mae’r plant wedi cael y dasg o baratoi eu dyluniadau gan ddefnyddio technoleg CAD yn ystod yr wythnosau nesaf, ac yna bydd aelodau o dimau Sacyr UK a Sphere Solutions yn asesu’r dyluniadau i benderfynu ar enillydd. Yna bydd y dyluniad llwyddiannus yn dod yn fyw ac yn cael ei ddefnyddio i greu'r Hyb Sgiliau.

Bydd yr Hyb yn cynorthwyo'r di-waith hirdymor, y rhai heb unrhyw hyfforddiant nac addysg ffurfiol, yn ogystal â'r rhai sydd wedi cael eu diswyddo'n ddiweddar, i feithrin sgiliau newydd a dod yn barod i weithio ar brosiect Canolfan Ganser newydd Felindre. 

Dywedodd athro yn Ysgol Idris Davies, sy’n arwain y cwricwlwm adeiladu: “Roedd heddiw yn ddiwrnod mor wych oherwydd eich ymdrechion. Rwyf mor ddiolchgar eich bod wedi sicrhau bod yr ymweliad yn cyd-fynd â rhan o’n cwricwlwm. Roedd mor werthfawr, ac mae’r disgyblion yn llawn cyffro ynghylch dechrau ar y gwaith yn ôl yn yr ysgol.” 

Hoffai Sacyr UK ddiolch i Jordan a Robyn o Sphere Solutions am eu cymorth wrth baratoi a chyflwyno’r wers, ac edrychwn ymlaen at ddychwelyd i Sphere Solutions i weld gwaith caled y disgyblion yn dod yn fyw. 

Mae Acorn, y datblygwr sy’n gweithio ar Ganolfan Ganser newydd Felindre, ac Ymddiriedolaeth GIG Prifysgol Felindre, wedi dod at ei gilydd i lansio cynllun buddion cymunedol o’r enw Cymunedau sy'n Ffynnu. 

Bydd Cymunedau sy'n Ffynnu ar gael i bob sefydliad gwirfoddol a chymunedol a mentrau cymdeithasol sy'n gweithredu ledled De-ddwyrain Cymru, a bydd yn cynnig naill ai amser gwirfoddolwyr, grantiau neu adnoddau i ymgeiswyr llwyddiannus. 

Yn rhan o’i hymrwymiad i ychwanegu gwerth cymdeithasol at y gwaith o adeiladu Canolfan Ganser newydd Felindre, bydd y fenter Cymunedau sy'n Ffynnu ar gael trwy gydol oes y prosiect, ac felly bydd yn dod i ben ar ddechrau 2027. 

Bydd y Bwrdd yn cyfarfod bob chwarter ac yn ystyried popeth, o geisiadau am grantiau bach i gynlluniau gwirfoddoli cymunedol. 

Bydd can awr o ddiwrnodau gwirfoddolwyr ar gael i ymgeiswyr llwyddiannus gan staff Acorn, is-gontractwyr a’r gadwyn gyflenwi, yn ogystal â grantiau bach o hyd at £1,000, a bydd 20 ohonynt yn cael eu dyfarnu yn ystod y ddwy flynedd nesaf. 

Bydd Banc Adnoddau Cymunedau sy'n Ffynnu hefyd ar gael i sefydliadau elusennol, a bydd deunyddiau dros ben neu nas defnyddiwyd yn ystod cam adeiladu'r prosiect yn cael eu rhoi yn rhad ac am ddim i fudiadau gwirfoddol. 

Dywedodd Katie Hathaway, Rheolwr Rhanddeiliaid ac Ymgysylltu Sacyr UK, sef y contractwr sy’n adeiladu Canolfan Ganser newydd Felindre ar ran Acorn, am y cynllun: “Mae gwerth cymdeithasol a rhoi yn ôl i’n cymunedau lleol yn darged allweddol i ni yn ystod y gwaith o adeiladu Canolfan Ganser newydd Felindre, ac mae Cymunedau sy'n Ffynnu yn ymestyn ymhellach y cyrhaeddiad a’r effaith gadarnhaol y gallwn ei chael ar grwpiau gwirfoddol ac elusennol lleol. 

“Croesewir ceisiadau gan bob sefydliad gwirfoddol a chymunedol a mentrau cymdeithasol a allai elwa o'n cymorth. O weithlu syml i wneud i brosiect ddigwydd, i hwb ariannol bach i gyflawni cynllun, neu ddim ond ychydig o ddeunyddiau adeiladu ychwanegol i gwblhau prosiect, anfonwch ffurflen gais a sgwrsiwch â ni am eich cais, a byddwn yn gwneud ein gorau glas i helpu.” 

I wneud cais i fenter Cymunedau sy'n Ffynnu, cliciwch yma

Hoffem roi gwybod i chi y byddwn yn gweithio oriau estynedig rhwng 6:30am a 9pm ddydd Gwener 8 Tachwedd, oherwydd gwaith mawr sy'n rhan o Brosiect Canolfan Ganser newydd Felindre. Bydd y gwaith hwn yn cynnwys tywallt concrit, ac mae'n hanfodol i symud y prosiect yn ei flaen.
 
Efallai y byddwn hefyd yn gweithio oriau estynedig am ddiwrnod ychwanegol yr wythnos nesaf i gwblhau'r gwaith mawr hwn. I gael yr wybodaeth ddiweddaraf am y dyddiad, ewch i wefan y prosiect ddydd Mercher 13 Tachwedd lle bydd yr wybodaeth hon yn cael ei lanlwytho: newvelindre.info/cy/
 
Rydym yn gwerthfawrogi eich cydweithrediad yn ystod y cyfnod hwn, ac am eich sicrhau ein bod yn rhagweld cyn lleied o effaith â phosibl oherwydd natur y gwaith. Rydym yn cymryd yr holl ragofalon angenrheidiol i sicrhau bod y gwaith yn tarfu cyn lleied â phosibl ar yr ardal gyfagos.
 
Diolch am eich dealltwriaeth a'ch cefnogaeth wrth i ni weithio tuag at gwblhau'r prosiect pwysig hwn. 
Os oes gennych unrhyw gwestiynau neu bryderon, mae croeso i chi gysylltu â mi. 

Mae Sacyr UK wedi creu partneriaeth â chylchgrawn Whitchurch and Llandaff Living i helpu i hyrwyddo'r gwaith sy'n mynd rhagddo o godi Canolfan Ganser newydd Felindre. 

Mae’r prif gontractwr sy’n goruchwylio’r gwaith o adeiladu Canolfan Ganser newydd Felindre ar hyn o bryd, wedi ymuno â’r cylchgrawn cymunedol arobryn i ymgysylltu â phobl leol a sicrhau bod yr wybodaeth ddiweddaraf am y prosiect yn cael ei rhoi trwy flychau llythyrau’r rhai sy’n byw gerllaw. 

Dywedodd Patric Morgan, cyd-olygydd cylchgronau Living: “Rydym wrth ein bodd bod newyddion Sacyr UK yn cael ei gynnwys rhwng cloriau ein cylchgrawn. Mae prosiect Canolfan Ganser newydd Felindre wedi bod yn destun trafod mawr dros y blynyddoedd, felly rydym yn hapus i roi'r newyddion diweddaraf i'n darllenwyr am y gwaith adeiladu. Mae’r gwaith adeiladu wedi cael effaith fawr ar y gymuned, ond rydym yn gwybod y bydd yr effaith y bydd y ganolfan yn ei chael ar gleifion canser hyd yn oed yn fwy.” 

Dywedodd Katie Hathaway, Rheolwr Ymgysylltu â Rhanddeiliaid a Budd i'r Gymuned ar gyfer Sacyr: “Cylchgronau Living Caerdydd yw’r unig gyhoeddiad gwirioneddol leol sy'n darparu gwybodaeth i ardal Gogledd Caerdydd felly i ni, roedd y penderfyniad i gydweithio yn un amlwg. Rydym yn falch o fod yn gweithio gyda chyhoeddiad poblogaidd i gyflwyno newyddion am ein prosiect i’r gymuned leol yn effeithiol.”

Dosberthir chwe mil o gopïau o Whitchurch and Llandaff Living ledled yr Eglwys Newydd, Llandaf, ac Ystum Taf, a hynny bedair gwaith y flwyddyn. Gall darllenwyr gael gafael yn y cylchgrawn yn rhad ac am ddim o'r stondinau pwrpasol yn Tesco Express (yr Eglwys Newydd), Co-op (yr Eglwys Newydd), a phob siop a man cyhoeddus arall.

Sylwer y bydd Sacyr yn gweithio oriau ychwanegol ar y dyddiadau canlynol oherwydd bod y craeniau tyrog wedi'u cydosod wrth i ni adeiladu Canolfan Ganser newydd Felindre. 

• Hydref 12-13
• Hydref 26-27
• Tachwedd 2-3

Yn ystod y dyddiadau hyn, bydd ein tîm yn gweithio rhwng 1pm a 6pm ar ddydd Sadwrn a rhwng 9am a 6pm ar ddydd Sul. Ymddiheurwn am unrhyw anghyfleustra y gall hyn ei achosi a gwerthfawrogwn eich dealltwriaeth wrth i ni weithio i sicrhau diogelwch ac effeithlonrwydd ein prosiect.
 
Os oes gennych unrhyw gwestiynau, cysylltwch â khathaway@sacyr.com a fydd bob amser yn hapus i helpu.
 
Diolch am eich cefnogaeth barhaus.

Cymerodd bron 50 o randdeiliaid sy’n ymwneud â datblygu Canolfan Ganser newydd Felindre ran mewn gweithdy i feddwl am syniadau ar gyfer mentrau cymunedol a fydd yn deillio o’r prosiect. 

Yn ôl ym mis Awst yng Ngholeg Caerdydd a’r Fro, ymgasglodd pobl o Gonsortiwm Acorn, Sacyr UK, partneriaid o sefydliadau sy’n gysylltiedig â’r cyfleuster newydd, ac arweinwyr cymunedol lleol i archwilio syniadau ynghylch sut y gallai’r ganolfan ganser newydd fod o fudd i’r gymuned leol. 

Rhannwyd y rhanddeiliaid yn grwpiau a rhoddwyd y dasg iddynt ddod o hyd i syniadau ynghylch materion megis iechyd meddwl, cynhwysiant digidol, sefydlogrwydd economaidd, iechyd a llesiant, cynaliadwyedd bwyd, ac ymgysylltu â’r gymuned. 

Eglurodd cyfarwyddwr prosiect y Ganolfan, David Powell, fod y gweithdy, a hwyluswyd gan Cwmpas, wedi'i gynllunio i ddod â phobl ynghyd i archwilio'r adnoddau sydd ar gael i ddatrys yr her o gynnwys y gymuned leol yn y prosiect. 

“Roedd yn ddiwrnod mor adeiladol, lle daeth pobl o’r un anian at ei gilydd i gynnig safbwyntiau gwahanol ar ymgysylltu â’r gymuned, yr hyn y mae ei angen ar y gymuned leol, yr hyn y gellir ei gyflawni, a phwy fydd yn elwa. 

Mae trafodaethau parhaus yn cael eu cynnal â'r gymuned ehangach, a byddant yn parhau i ddigwydd dros dair blynedd nesaf y prosiect. 

Ychwanegodd David Powell: “Bydd Canolfan Ganser newydd Felindre yn gyfleuster hanfodol ac amhrisiadwy i Gymru, a fydd yn darparu gofal canser o’r radd flaenaf am genedlaethau i ddod, ac rydym hefyd am i unrhyw fentrau budd cymunedol sy’n deillio ohoni fod yn hanfodol ac yn bwysig i gymdogion a ffrindiau'r ganolfan. Rydym am i'r ganolfan integreiddio'n iawn yn ei chymuned a chynnig buddion i'r rhai sy'n byw gerllaw. 

Os hoffech ddod i'r gweithdy nesaf am 10am ar 30 Hydref, archebwch eich lle.

I gael rhagor o wybodaeth, cliciwch yma i ddarllen yr adroddiad cyhoeddus.

Nodwch y bydd ein tîm yn gweithio oriau afreolaidd rhwng 8am a 6pm ddydd Sadwrn 5 Hydref. Y rheswm dros y newid hwn yn yr amserlen yw bod deunyddiau carreg yn cael eu cyflenwi, a allai arwain at ychydig mwy o draffig ar Heol y Parc. Ymddiheurwn am unrhyw anghyfleustra y gallai hyn ei achosi, ac rydym yn gwerthfawrogi eich dealltwriaeth.

Diolch i chi am eich cydweithrediad. 

Rydym yn llawn cyffro o allu cyhoeddi sesiwn Hacathon arall i chi fod yn rhan o fuddion cymunedol cyffrous Canolfan Ganser newydd Felindre. 

Ar 30 Hydref byddwn yn cynnal sesiwn ddilynol i archwilio mentrau cymunedol sy'n gysylltiedig â'r prosiect.  

I gofrestru eich diddordeb, cliciwch yma . Ymunwch â ni ar gyfer y sesiwn ar-lein hon er mwyn bod yn rhan o'r sgwrs barhaus!
Nid dyma'r unig gyfle i gymryd rhan a bydd yna ddigonedd o ddigwyddiadau a fforymau eraill i chi gynnig eich syniadau a'ch barn ynddynt. 

Daw hyn yn dilyn llwyddiant mawr ein hacathon diweddar, pan aethpwyd ati i archwilio mentrau cymunedol perthnasol i’r prosiect. Daeth 45 o bobl o wahanol sefydliadau a sectorau, gan gynnwys y gwasanaethau cyhoeddus, addysg, y trydydd sector a’r gadwyn gyflenwi, i’r digwyddiad cyntaf a chyfrannu syniadau. 

Yn cael ei hwyluso gan dîm Dechreuwch Rywbeth Da Cwmpas, daeth yr hacathon ag unigolion brwd ynghyd i drafod safbwyntiau a datblygu syniadau arloesol i gefnogi Canolfan Ganser Felindre. Rydym 'nawr yn llawn cyffro ynghylch parhau â'r momentwm hwn gyda sesiwn ddilynol awr o hyd i archwilio'r syniadau ymhellach ac awgrymu rhai newydd.

Edrychwn ymlaen at eich gweld bryd hynny!

Edrychwn ymlaen at glywed gennych.

Mae wedi dod i’n sylw bod drôn wedi bod yn hedfan dros safle adeiladu Canolfan Ganser newydd Felindre heb ganiatâd. Rydym am atgoffa pawb bod preifatrwydd a diogelwch ein staff o'r pwys mwyaf i ni.

Mae hedfan dronau dros ein safle heb ganiatâd nid yn unig yn groes i breifatrwydd ond hefyd yn erbyn y gyfraith. Gall dronau beri risg sylweddol i’n staff a’r gymuned, a gall unrhyw un sy’n cael ei ddal yn hedfan drôn dros ein safle heb ganiatâd wynebu canlyniadau cyfreithiol.

Mae ymchwiliad ar y gweill ar hyn o bryd, ac mae'r Ymddiriedolaeth wedi cael gwybod. 

Rydym wedi ymrwymo i gadw ein safle, ein staff, a'n cymuned yn ddiogel, ac rydym yn annog pob gweithredwr dronau i barchu ein ffiniau ac ymatal rhag eu hedfan dros ein safle adeiladu heb ganiatâd.

Diolch i chi am eich cydweithrediad.

Rydym am roi gwybod i chi am waith sydd ar y gweill i ddatblygu Canolfan Ganser newydd Felindre, a fydd yn digwydd y tu allan i oriau gwaith arferol. 
 
Mae'r gwaith yn rhan o'r broses o osod y compownd parhaol, a bydd yn golygu danfon cabanau i'r prif safle. Oherwydd nad yw'r cabanau ar gael gan y gwneuthurwr ar gyfer y dyddiadau blaenorol (Awst 30 a 31) a nodwyd yn ein llythyr diweddar, mae'r dyddiadau dosbarthu newydd fel a ganlyn:

Dydd Sadwrn Medi 14-Dydd Sul Medi 15: Gosod ail lawr y compownd a fydd yn golygu cyfartaledd o 12 o gerbydau nwyddau trwm (HGV) y dydd, trwy fynedfa Coryton er mwyn ceisio tarfu cyn lleied â phosibl. 

Mae'n bosibl y bydd y cerbydau ar gyfer y gwaith hwn yn achosi traffig arafach yn yr ardal. Rydym yn sylweddoli'r anghyfleustra y gallai hyn ei achosi i'n cymuned a bydd ein tîm yn sicrhau bod y gwaith yn effeithio cyn lleied â phosibl arnoch. 

Hoffem roi gwybod i chi y byddwn yn gosod sgriniau cyn bo hir ar y copa dwyreiniol ger mynedfa TCAR2 (mynedfa'r safle ger Hosbis y Ddinas). Bydd hyn yn sicrhau cyn lleied o darfu â phosibl ar bobl sy'n defnyddio'r llwybr, er y gallai rhai rhannau gael eu culhau dros dro. Mae'r gwaith wedi'i drefnu ar gyfer yr wythnos yn dechrau Medi 23 a disgwylir iddo gymryd wythnos i'w gwblhau.

Mae ein cyfarfod galw heibio rheolaidd nesaf i drigolion wedi'i drefnu ar gyfer nos Fercher 25 Medi rhwng 6pm a 7pm yn adeilad Noddfa yn 19 Park Road ger y maes parcio y tu ôl i Ganolfan Ganser Felindre. Bydd aelodau o dîm Sacyr a Felindre wrth law i ateb unrhyw gwestiynau a allai fod gennych. 
 
Os oes gennych unrhyw ymholiadau yn y cyfamser, cysylltwch â ni trwy KHathaway@sacyr.com neu 07763 203360. 

Mae Sacyr UK, y contractwr sy’n adeiladu Canolfan Ganser newydd Felindre, wedi addysgu bron 1,300 o ddisgyblion ysgol De Cymru mewn gweithgareddau gwyddoniaeth, technoleg, peirianneg a mathemateg (STEM), a hynny mewn mis yn unig. 

Yn rhan o waith y cwmni ym maes gwerth cymdeithasol, mae Cydlynydd Buddion Cymunedol Sacyr UK wedi gweithio mewn partneriaeth â Gyrfa Cymru, Working Options ac Addewid Caerdydd i ymweld ag ysgolion uwchradd a chyflwyno gwersi STEM. 

Ymgysylltodd Sacyr UK hefyd â’r gadwyn gyflenwi sy’n cefnogi'r cwmni wrth iddo adeiladu Canolfan Ganser newydd Felindre i gymryd rhan yn y gwersi, ac felly ymunodd Sphere Solutions, Blue Water a Prichards â’r contractwr i gyflwyno amrywiaeth o sesiynau diddorol a difyr. Roedd y gwersi’n ymdrin â phynciau megis rhoi cipolwg ar yrfaoedd a phosibiliadau o ran gwaith yn y diwydiant adeiladu, yn ogystal â helpu gyda sgiliau cyflogadwyedd a chynnal ffug-gyfweliadau. 

Dywedodd Katie Hathaway, Rheolwr Rhanddeiliaid ac Ymgysylltu Sacyr UK: “Roedd yn wych bod ein partneriaid yn y gadwyn gyflenwi yn gallu ymuno â ni yn y gwersi hyn a dangos i’r plant beth yw’r posibiliadau yn ein diwydiant, yn ogystal â’u helpu gyda’r sgiliau cyflogadwyedd y bydd arnynt eu hangen yn ystod y blynyddoedd nesaf. 

“Rydym yn falch iawn o fod wedi ymgysylltu â bron 1,300 o ddisgyblion ledled y rhanbarth hwn mewn cyfnod mor fyr, ac yn gobeithio parhau â’r gwaith hwn trwy gydol tair blynedd y prosiect.” 

Mae Sacyr UK, y prif gontractwr sy’n adeiladu'r Canolfan Ganser newydd yn Felindre (nVCC), wedi partneru â Front Door Communications yng Nghaerdydd i gael cymorth gyda'i waith cyfathrebu a marchnata yn ystod cyfnod adeiladu’r prosiect. 

Mae Front Door Communications wedi cael ei gyflogi gan Sacyr UK ar gyfer tair blynedd y prosiect er mwyn helpu i roi cyhoeddusrwydd i’r gwaith parhaus ar y safle, yn ogystal ag i'r buddion cymunedol y mae’r prosiect yn eu cyflawni. 

Sefydlwyd yr asiantaeth yn 2017 ac mae’n gweithio gyda rhai o gwmnïau mwyaf blaenllaw Cymru, gan gynnwys Go.Compare, Hodge ac Acorn Recruitment. Mae iddo eisoes hanes blaenorol cadarn yn y sector adeiladu gan ei fod yn gweithio gyda Bouygues UK, McCann and Partners a Cambria Consulting. 
Dyma a ddywedodd Kathryn Chadwick, Cyfarwyddwr Front Door Communications, am y bartneriaeth: “Mae Canolfan Ganser newydd Felindre yn ddatblygiad mawreddog a phwysig i Gymru, a fydd yn gartref i gyfleusterau o’r radd flaenaf ar gyfer y rhai y mae arnynt angen triniaeth ar gyfer canser – salwch sy’n effeithio ar gynifer ohonom.

“Rydym yn falch o fod yn gweithio gyda’r tîm yn Sacyr UK i ledaenu’r newyddion am y datblygiadau ar y safle, ond hefyd am y cynlluniau buddion cymunedol anhygoel sydd eisoes wedi digwydd ac sy'n cael eu cynllunio'n rhan o’r adeiladu. Bydd yn wych gweld y mentrau hyn yn dod yn fyw yn ystod y misoedd a’r blynyddoedd nesaf.”

Ffurfiodd Sacyr UK bartneriaeth â Sefydliad Cymunedol Rygbi Caerdydd ar gyfer ei Wersylloedd Heini, Hwyl a Hansh i helpu plant o'r ddinas i fynd i wersyll haf yn Ysgol Gynradd Coryton, a hynny er mwyn iddynt ddod yn fwy egnïol ac iach yr haf hwn. 

Mae'r fenter yn cefnogi plant ifanc, y mae llawer ohonynt yn dod o ardaloedd difreintiedig y ddinas, i gadw'n heini, bwyta deiet iachach, a chael diwrnod llawn hwyl. Mae'r plant sy'n mynychu'r gwersylloedd hefyd yn mwynhau brecwast a chinio maethlon, cytbwys, rhad ac am ddim trwy gydol y gwyliau chwe wythnos, gan helpu i leddfu straen ariannol ar deuluoedd yn ystod gwyliau'r haf. 

Wrth sôn am y fenter, dywedodd Anna Davies, Cydlynydd Buddion Cymunedol Sacyr UK ar safle newydd Canolfan Ganser Felindre: “Mae Heini, Hwyl a Hansh yn un o nifer o raglenni gwych sy'n cael eu rhedeg gan Sefydliad Cymunedol Gleision Caerdydd ar hyd a lled De Cymru. Mae’n ymwneud â mwy nag ychydig oriau o hwyl; mae rhaglenni URC yn defnyddio pŵer chwaraeon i fynd i’r afael â rhwystrau lluosog i helpu i gynyddu llesiant, iechyd a sgiliau.”

Mae’r Gwersylloedd Heini, Hwyl a Hansh yn cael eu rhedeg ar y cyd ag Undeb Rygbi Cymru (URC) ac yn cael eu darparu gan Sefydliadau Cymunedol pedwar clwb rygbi rhanbarthol proffesiynol Cymru. 

Wrth sôn am y fenter, dywedodd Nadine Griffiths o Sefydliad Rygbi Cymunedol Caerdydd: “Mae llawer o'r plant hyn yn cael prydau ysgol am ddim ac felly mae'n wych sicrhau eu bod yn cael y pryd o fwyd hwnnw, ac mae hwn yn un diwrnod yn ystod cyfnod chwe wythnos y gwyliau pan allwn eu denu allan i'r awyr agored a rhoi ychydig o hwyl iddyn nhw.” 

Mae Sefydliad Cymunedol Caerdydd eisoes wedi cadarnhau bod dros 40 wedi cofrestru ar gyfer ei wersyll dros y gwyliau haf trwy Dechrau'n Deg, Sefydliad Pear Tree, a'r Rhaglen Pasbort i'r Ddinas.